2009年新方包網站

聽取了好友的意見，為了方便他們得到我的最新消息，已經將好幾個比較多朋友參觀的網誌放在同一個網址內，以後無論是我的個人廢話或是亂作的小說，都會放在下面的一個網址內：

http://hk.myblog.yahoo.com/fongbakery-2009

請多多支持，加入訂閱吧﹗

祝新年快樂﹗

我的喪禮

經歷過兩次辦喪事(大吉大利)，對於未來自己的喪禮也有一些想法，希望在我百年歸老的一天，我的兒子家人朋友都可以隨我心意而辦。
首先，什麼宗教儀式都不要，不唸佛經，不唱聖詩，不破地獄....堅持不破地獄﹗因為我真的很怕嘈，而且我看見那些道士走來走去有些像做大戲，得罪說句我覺得有些搞笑.....或許我會從棺木中跳出來叫停呢﹗
最理想的是，好像一個迷你追思會，清淡的靈堂佈置，播著我最喜愛的音樂(容祖兒的歌少不了)，也許可邀請懂樂器的親友表演一下，請大家說說對我的感受，說一些笑話令大家釋懷。在facebook內現有157個朋友，有一半來到我的追思會也夠熱鬧無憾了。瞻仰遺容這部份其實我不是太想做，因為始終都是一個不好看的樣子，而且我知道一看定必永這於心，所以我情願大家記在心中的我是笑容滿面，有幾分似容祖兒就是了。
最後把我火化後進行海葬，一來可令我的子孫省下一筆，也不用他們一年幾次週車勞動的去拜祭我；在我死後，把我的一切記在你們心中就可以了。說不定海葬之後我落得消遙四處遊樂，也忙得沒有時間去等待你們拜祭我呢。
說什麼都不是，只要活在當下，珍惜擁有的才是上著。

終於都走了

人生本來無一物，走也不能帶走任何東西，所有東西都會在人死後化灰了。
爺爺仙遊，一切儀式都做足，希望沒有令在世的任何一個覺得不滿意。對了，好像做的都只做給在世的人看，爺爺真的看到嗎？我不敢去多想，多少是仍希望透過這些儀式令自己好過一點。
身在靈堂的我感觸很大，因為小時候跟爺爺住過，有很多很美好的回憶；長大後雖然見面少了很多，但每次見面爺爺都還是很著緊我。出殯前一日，我的感覺還自欺著爺爺只是去了別處或是睡著了什麼的，雖然我只可以遙望他的照片，看著他睡著了的身體......。直到喪禮當日，爺爺睡在棺木內被推出，我根本就是崩潰了，因為我終於醒了，他睡在一個生人不會睡的棺木，他不是睡著了，他真的以後不會在起來了。
這種永別的感覺令我很不安，死亡就是如此？
永別的感覺很難受，時間卻很懂得沖淡一切，
我們會不會在若干年後，就會忘記對爺爺的情懷呢？
我希望我永遠都懷念著爺爺，無忘你與我每天吃早餐為我點的煎雙蛋，柯華田。

一路好走, 我的爺爺.

6月22日在blog中寫過很擔心爺爺的健康情況, 9月25日他卻突然走了. 突然得我在辦公室裡大哭.
很遺憾, 有8個子女15個孫兒女的爺爺, 離開時卻沒有一個人在身邊. 別人說是他有心選擇一個人去, 不令我們傷心. 是嗎?
父親往醫院後回來說他去的時候應該沒有痛苦, 因為雙手沒有緊握. 這也是我唯一可以祈求的.
不知應否說是幸運, 這是我第一次失去親人的經歷, 感覺很奇怪, 有時想起與爺爺相處的一點一滴, 可以淚流披面; 有時卻因為只在小時候跟爺爺同住過數年, 長大後感覺有些疏離, 又可以覺得有點淡然.
或許上一代的人對爺爺評價不是最好, 我也覺得仔對孫兒們已做了本份. 尤其對我與細佬尤其著緊關懷. 相信我們是家族中唯一兩個孫兒與爺爺相處的時間最多.
爺爺的後事, 也令我體會到齊心就事成的道理. 希望來到我們這一代, 我們可以相親相愛.
爺爺, 一路好走, 後會有期. 我這幾天都在飲你在我小時給我點的熱華田.

科技泳衣??

最近看過報導, 說美國(好像是美國)科學家已經研製成功一件超高科技泳衣給今屆參加奧運的選手, 希望他們以此可以在比賽中做出更快的成績. 不過報導後部份亦加說, 很多年前的一位泳手, 只是穿一條普通的泳褲已經可以做出住績. 報導想說的是, 運動是否應以個人身體來發揮, 不應靠外在物件呢?
我在讀書的時候也經歷過類似事件.
話說那時在外國, 電腦並不是太普及, 不過那時我爸爸已經很追上潮流, 我是班中第一個有email的人, 而且那時老師教授email應用時, 還是用我的email來教呢. 說回頭來, 那時一份電腦功課我用了爸爸送給我的printshop光碟完成, 做得非常專業. 但到取成績時, 竟然因為我做得太專業而被扣分了, 老師說因為我用了printshop才有此效果, 而最重要的是其他同學沒有printshop, 所以對他們不公平.
那時候都有點覺得不開心, 但現在看回這個關於泳裝的報導, 又覺得大家都應該用同一款物料去比賽, 才叫做發揮人體的極限.

好友的婚禮 Part I

題目寫婚禮 Part I係希望祝福另一位好友都可以快D結婚.


上星期六死黨既的婚宴真的令我很感動,因為這個由細玩到大既好姊妹終於都出嫁了. 平時大家都覺得她是低b仔一名, 但見當日的安排頭頭是道, 上台發言亦冷靜中見得體. 她真的真的長大了! 聽見佢老公當眾的對她說一句『我愛你』然後眼濕濕咁比番個咪阿男MC, 就知道朋友冇選擇錯. 我成日都覺得可以當眾告訴人你有多愛對方,是非常真心誠意的表現.


當日既流程基本上都算是完美, 唯一美中不足的是我們另外一個姊妹因家事而不能出席, 否則應該是超越完美. 當日其實都沒有什麼出錯或大混亂, 好多時忘記了的程序都會有其中一個人忽然清醒, 所以感覺都很流暢. 最好笑的是我們三個姊妹+一個新娘一日都黑都在傾計,在酒店接新娘前傾, 接新娘後在酒店門口又傾, 到達男家樓下唔知等咩既時候又傾, 影完相企響原位又傾, 去到酒店要stand by又傾......傾到要阿攝影哥哥同兄弟提醒我們.....真的是......


雖然果日朋友沒有預到伴娘這個角危, 但可能因為我個妝化得都幾恆同埋set左頭, d哥哥都把我認作伴娘, 感覺責任很重. 不過想不到首次當伴娘的工作是在結了婚之後呢.

忙到夜晚雖然已經好疲倦, 都沒有胃口食野, 不過見番好多舊朋友真係好開心. 唔知點解同學就算幾耐冇見都好似D都唔生疏. 而且最開心就係同學們都已經開始帶佢地既另一半出席, 仲有d已經有了小朋友添!

每次去人地既婚宴都好羨慕, 因為自己結婚既時間比較年輕, 好朋友都仍在外國讀書未能回來出席. 而且因為某些無聊原因, 亦沒有邀請我所有的同學及朋友. 最遺憾的是那時仍未時興上台多謝自己父母親, 所以都沒有認真的感謝過自己父母. 最最最遺憾的是沒有聽到新郎在台上說愛自己.....

解脫

看到羅嘉良同佢老婆要離婚, 真係覺有d可惜. 可惜, 可能只是因為他們一起時間很長, 十幾年既感情要分開, 因為係十幾年, 所以可惜.
離婚的原因係因為兩個人在屋中整天沒有傾談. 這不就是婚姻嗎?
雖然我自少看到父母相處的方式不是這樣, 但心裡卻覺得只是因為自己父親有種獨特詩人氣質, 所以比較浪漫一點吧. 其他膚淺的男人不就是都一樣 : 拍拖時千依百順, 結婚之後就變身做另外一個人. 一個很陌生的人.
整天沒有傾談, 這跟我的婚姻生活沒有兩樣. 不過是否男人總是認為只要自己回了家, 就算不停在打 機看電視甚至去睡覺都叫做回了家. 但其實在女人的角度, 回家是指一起在家裡做同一件事, 例如一同看同一個電視節目, 一起做飯, 在同一時間上床入睡等等.
做了母親之後, 更加不喜歡做別人老婆這個角色. 愛一個人無論你如何偉大, 你都會不其然的計較, 你付出多些還是他付出多些. 要做他喜歡你做的事去討好他, 或是很希望他做一些事去討好你, 都是很自私很累的. 我真的覺得活在這樣的計算之下是相當疲累. 不過如果兩個人在一起的時間各有在對方身上有所求, 又各有所得著 (除了愛與甜), 那就繼續在一起吧.
只有對兒子的愛是不用計較不用回報. 我愛他, 就算他不愛我, 我都只會不開心, 但不會不愛他. 這份愛是隨他出生附送的, 也是無價的. 我認為天下間的父母, 大部分都是這樣 (除了拋棄兒女的父母). 而亦因為有這個想法, 我常常厚面皮非常好意思的接受自己父母親給的甜頭. 哈!

俊男

相信每一個女仔都有佢自己獨特既選男朋友/老公既標準, 最近因為細妹既關係, 留意多左d年青偶像既面孔.........如下列評語令一眾fans感到不安, 請即離開此blog.
之前有套台灣drama有個叫明道的, 對不起, 雙眼細得好像幾乎連埋一樣, 坦白講佢個樣有d似賊囉. 唔信既試下上網揾下大賊葉x歡, 就係果個樣.
陳柏x, 佢個口大得黎好似用界刀界開咁......不過唱歌都ok既 (我都驚比fans黑客炸我個blog)
洪x立, 未發育完成之男孩.........不過唱歌都ok既 (唔驚呀)
咩叫靚仔?劉華呀城城呀林峰呀(雖然整過容), 呢d5官端正有番d男人身型,似番個男人啦都要. 最鬼憎果d仲瘦過我既男仔(絕對唔會叫果d做男人). 作佢死如果我比人恰, 佢用手擋既話, 隻手可能會斷.....
不過由小至大對於我黎講, 靚仔只係用黎眼睛欣賞, 並不是做老公既, 才不要日日夜夜擔心自己個老公比其他女人痴左去. 我喜歡的那類型就是高高瘦瘦戴眼鏡的. 唔需要靚仔, 但係不能夠醜樣, 不能夠油面, 更加不能夠係肥仔. 呢世人最憎人地大汗踏細汗油油立立, 而肥仔通常都係怕熱之後大汗再之後油油立立.......所以一定唔可以係肥仔! 雖然我認識不少肥仔, 當中亦有不少係肥好男人, 但總之就不是我那柸茶, 如果我選肥仔, 一定係錯選!
對, 我老公就係高高友瘦戴眼鏡的, 哈! (後天肥唔算, 因為瘦人肥極都有個譜麻)

Mario Kart

阿仔好鐘意睇我地玩 nds, 以前因為受 cooking mama 既影響, 只係鐘意睇 cooking mama, 後來老公開始左玩 mario kart, 阿仔又開始接受, 於是我地又有多一個選擇, 唔使淨係玩 cooking mama 咁悶. 玩玩下 mario kart 又覺得比賽場上又幾似我地既人生.
當你唔熟賽道又剩就唔好咁快學人揸快車, 點都要選 50cc 玩下先, 熟左賽道選定適合既車先開始叫 ok.
我就好唔鐘意以撞人黎過人頭, 通上都係靠用法寶或者行快線黎贏, 不過呢個世界 (連 mario 世界都係一樣), 就算你不犯人, 人會犯你, 辛辛苦苦跑第一都會比人用藍火箭黎射你既. 雖然係咁, 我都只係會自己做好自己, 唔會隨便整人既. 所以如果我有綠烏龜, 我就會射向冇人既地方 (不過成日都彈番比自己), 可以變彩虹車我又唔會撞人, 除左我有藍火箭啦, 局用.
就鐘意就係跑第二既時候, 見倒第一果架車比人用藍火箭打低, 咁我就可以好輕鬆咁第一喇.
哈, 呢d係咪叫做坐享其成呢?

媽媽, 我愛你.

世上所有媽媽都值得感謝 (包括我自己,哈哈). 不過真係要感謝我媽媽一直的有形無形支持. 就算要係講一百萬個多謝或者係請佢食乜野都不能足夠報答佢既付出. 尤其係一個身份如此特別的媽媽,實在不是一般人或者係一般既媽媽可以做得到.我有時也不明白為什麼她可以做得到, 要知道我不是一個乖巧的小孩, 除了特別靚之外,真係冇優點!
好多人都說我很幸福, 其實我是知道的. 甚至我覺得我自己比細妹更幸福. 自少那個女子離開了, 就只有這個媽媽照顧著. 頑劣的我試過叫佢做八婆, 跟住比老豆打到大比流血,果時都唔明自己做錯d乜. 知道後母一定係衰架啦, 邊有好架.越大就真係知道,什麼叫做母愛, 做了母親之後更加不明白為什麼有些人可以拋棄自己子女不聞不問. 母親我永遠都只有一個, 不要問我以前果個去左邊, 我只係知道我地一家都會感謝佢當年拋棄我同老豆,如果唔係我地而家邊有一個咁幸福既家.
昨晚請了朋友回家吃,不但搞到屋企兩個菲傭一頭煙,仲要媽媽親自來洗碗....(都話要炒左個菲傭架啦). 我朋友話如果我係她女兒,佢會睬我都傻! (媽媽除了愛我們,也常常令我們有face!)
尤其是最近我兒子有事,媽媽更發揮了她超肥....呀係超能力,照顧起幾家人既生活. 照顧阿妹阿孫返學,招呼老豆,同我傾計,輔導兩個菲傭(頂!都話炒左佢地架啦)...仲要照顧阿爺阿麻, 仲要追人魚小姐同大長金.....朝朝6點幾起身夜晚都仲要埋睇刑事偵緝(其實套野叫法證先鋒)....冇得頂.我捱左咁耐唔夠訓既日子已經瘦左10幾磅, 但佢仍然可以keep磅數冇變, 穩如泰山!(雖然佢好想變, 變靚d?!)
除左msn facebook教極唔識之外,呢個阿媽真係有得頂架.
冇說話好講, 媽媽, 我愛你, 一萬年. 幫老豆阿妹阿孫講埋, 加埋4萬年啦!